Dita e sotme duket se nuk ka nisur aspak mirë për ish-banoren e “Big Brother VIP 3”, Françeska Murati. Përmes një postimi në rrjetet sociale, ajo ka zbuluar se dikush ka tentuar që t’i hyjë në shtëpi.
Françeska ka publikuar një video në “Instastory” ku tregon derën e shtëpisë, të cilën e kishin shkatërruar në tentativën për t’a hapur.
“Dikush ka tentuar të na hyjë në shtëpi. Kanë shkatërruar derën WTF! Kini kujdes me porositë që pranoni te shtëpia”, ka shkruar ish-banorja e shtëpisë më të famshme në Shqipëri krahas videos në fjalë.
Kujtojmë se vetëm pak muaj më parë, Françeska zbuloi se kishte blerë shtëpinë e saj të parë dhe ishte mjaft e lumtur. Ajo herë pas here ndan me ndjekësit e saj të shumtë në “Instagram”, foto dhe video nga banesa, duke treguar se si e ka mobiluar.
