Deputeti i Partisë “Mundësia”, Erald Kapri ditën e sotme ka zhvilluar një takim me grupin negociator të Partisë Demokratike, me qëllim përcaktimin e një kandidati të përbashkët për zgjedhjet e parakohshme lokale që do të zhvillohen në bashkinë e Tiranës.
Kapri në një deklaratë të shkurtër prër mediat, pas përfundimit të takimit, bëri të ditur se kanë propozuar një kandidat për bashkinë e Tiranës, por pa zbuluar emrin.
Kapri: Nuk është i rëndësishëm emri. Ne nuk po vemë asnjë kush për emra, jemi te parimi. Emri është dytësor. Kemi dhënë dhe ide të tjera. Për ne ka rëndësi parimi dhe ne nuk po vëmë asnjë kusht për emrin, do i qëndrojmë parimit. Ne mendojmë se kjo është forma e vetme që mund të fitohet Tirana edhe me emrin em itengritet të plotë, një model që është e kundërta e Manastirliut për të fituar Bashkinë e Tiranës. Një njeri profesionist, publik, një njeri që i ka shanset dhe është model tjetër. Dëgjoni, nuk po vemë asnjë kush për emrin, duhet ti qëndrojmë parimit, sa kohë i qëndrojmë parimit për një kandidat jashtë partive politike ka mbështetjen tonë.
Nga ana tjetër, Belind Këlliçi bëri me dije se janë dakordësuar se duhet një kandidaturë e unifikuar e spektrit opozitar përballë kanditates së PS-së, Ogerta Manastirliu.
Këlliçi: Kemi dakordësuar që na duhet një kandidaturë e unifikuar e spektrit opozitar. Të gjitha forcat politike kanë një konsensus për të dalë me një emër që mund të përballen me kandidaten që simbolizon covidin dhe vdekjen. Për teknikalitet, kemi diskutuar emra të përveçëm, kemi rakordua për profilin që duhet të ketë.
