Plani që po merr përformancë në Gjermani parashikon që Bashkimi Evropian të huazojë rreth 140 miliardë euro në emër të të gjithë vendeve anëtare, duke e shpërndarë kështu riskun në bazë të PBB-së së secilit vend. Këto fonde do t’i jepen Ukrainës gjatë luftës.
Presidenti i Finlandës, Alexander Stubb, e përshkroi këtë propozim si një mënyrë për të ndihmuar Ukrainën, duke e trajtuar ndihmën si kompensim për luftën në vend që si një çek të bardhë. Në këtë mënyrë, paratë do të jepen si kredi pa interesa, dhe nëse Rusia nuk paguan dëmshpërblimet për luftë, ato do të konsiderohen ndihmë për Ukrainën.
Aktualisht, shumica e aseteve të ngrira ruse ndodhen në Euroclear, një depo financiare në Belgjikë, që mban mbi 190 miliardë euro. Megjithatë, qeveria belge ka refuzuar deri tani çfarëdo propozimi nga BE për të liruar këtë shumë, duke besuar se do të dëmtonte besueshmërinë ndërkombëtare të Belgjikës në fushën e shërbimeve financiare. Një zyrtar belg theksoi se propozimet aktuale janë problematike pasi do të dëmtonin vlerën afatgjatë të aseteve të ngrira.
Në fakt, siç është shpjeguar, paratë do të përdoreshin si një avans për dëmshpërblimet e ardhshme nga Rusia, duke e reduktuar fondin për rindërtim të Ukrainës. Rreziku financiar do të bie gjithashtu plotësisht mbi vendet anëtare. Megjithatë, Stubb beson se plani është brenda kufijve të ligjit ndërkombëtar dhe se Belgjika nuk do të jetë e vetme në marrjen e këtij rreziku.
Ai e mirëpriti gjithashtu propozimin e presidentit të Këshillit Evropian, Antonio Costa, për të eliminuar vendimmarrjen me njëzëri mes vendeve anëtare në lidhje me zgjerimin e BE-së, që është nxitur nga bllokimi i vazhdueshëm të Hungarisë ndaj avancimit të Ukrainës në këtë proces. Stubb theksoi se çdo vendim që ofron më shumë fleksibilitet dhe pak mundësi për bllokim është i mirëpritur, sidomos në rastin e Ukrainës.
