Duke folur në Asamblenë e Përgjithshme të Kombeve të Bashkuara, Ministri i Jashtëm rus Sergei Lavrov paralajmëroi sot NATO-n dhe Bashkimin Evropian se çdo agresion kundër vendit të tij, do të përballet me një përgjigje vendimtare.
“Rusia akuzohet se pothuajse po planifikon të sulmojë Aleancën e Atlantikut të Veriut dhe vendet e Bashkimit Evropian.
Vladimir Putin i ka hedhur poshtë vazhdimisht këto provokime“, dhe Ministri i Jashtëm rus shkoi një hap më tej duke lëshuar kërcënime të drejtpërdrejta kundër shteteve anëtare të BE-së dhe NATO-s .
“Rusia nuk ka dhe nuk ka pasur kurrë qëllime të tilla (për të sulmuar Aleancën e Atlantikut të Veriut). Por çdo agresion kundër vendit tim do të përballet me një përgjigje vendimtare. Nuk duhet të ketë dyshim për këtë”, shtoi Ministri i Jashtëm rus.
Kërcënimet e Lavrov vijnë në një kohë kur shumë vende evropiane si Danimarka, Norvegjia dhe Gjermania kanë ngritur alarmin për fluturimet e dronëve mbi bazat ushtarake.
Më herët sot, u raportua se Gjermania po shqyrton mundësinë e lejimit të ushtrisë së saj të rrëzojë avionë pa pilot.
Në ditët e fundit, dronë janë parë duke fluturuar mbi aeroportet në Danimarkë dhe Norvegji, duke çuar në mbylljen e përkohshme të disa prej tyre.
Dyshimet drejtohen ndaj Rusisë, megjithëse nuk janë dhënë prova.
Sipas Bild, ushtria duhet të jetë në gjendje të ndërhyjë nëse një dron përbën një kërcënim serioz për jetën njerëzore ose infrastrukturën kritike.
Vendimi përfundimtar do të merret nga Ministria Gjermane e Mbrojtjes.
