Kolegji i Posaçëm i Apelimit ka lënë në fuqi vendimin e shkarkimit të Komisionit të Pavarur të Kualifikimit për prokurorin e Lushnjës Artan Hazbi.
Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Sokol Çomo relator, Albana Shtylla, Mimoza Tasi, Natasha Mulaj anëtare, lanë në fuqqi shkarkimin e ish-prokurorit të Lushnjës.
Artan Hazbi u shkarkua në 2021-shin, pasi iu evidentuan probleme në deklarimin e pasurisë, fshehje apo edhe mungesë të burimeve financiare.
“Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Sokol Çomo relator, Albana Shtylla, Mimoza Tasi, Natasha Mulaj anëtare, shpalli vendimin për çështjen nr. 33/2021, datë 17.06.2021, që i përket ankimit të subjektit të rivlerësimit Artan Hazbi kundër vendimit të Komisionit të Pavarur të Kualifikimit nr. 375, datë 26.04.2021.
Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 375, datë 26.04.2021 të Komisionit të Pavarur të Kualifikimit, që i përket subjektit të rivlerësimit Artan Hazbi. Ky vendim është përfundimtar dhe ka efekt të menjëhershëm. U shpall në Tiranë, më datë 19.11.2024”, thuhet në njoftimin zyrtar të Kolegjit të Apelimit.
