Një aksident është regjistruar mbrëmjen e sotme në aksin rrugor Peshkëpi–Kot. Një automjet tip Volkswagen doli nga rruga dhe u përplas me një shtyllë tensioni, çka shkaktoi dhe mungesën e energjisë elektrike në zonë.
Sipas të dhënave paraprake, në mjet udhëtonin dy shtetas, të cilët u transportuan me autoambulancë drejt Spitalit Rajonal të Vlorës.
Në vendngjarje shkuan menjëherë shërbimet policore, të cilat po punojnë për sqarimin e rrethanave të aksidentit.
