E hëna e ‘zezë’ mund të konsiderohet kjo e sotmja, pasi tre të rinjë shqiptarë humbën jetën pak orëve në rrethana të ndryshme.
Dita nisi me lajmin e trishtë se një djalë 10-vjeçar ra nga lartësia e pallatit te Shkëmbi i Kavajës dhe ndërroi jetë.
Më pas Sabri Kreta 20-vjeç do të raportohej se kishte humbur jetën si pasojë e një aksidenti me makinë në të cilin u përfshi shumë pranë Sukthit, në autostradën Durrës-Tiranë. Sabriu do të festonte nesër datëlindjen e tij të 20!
Ngjarja që tronditi mbarë opinionin ishte ajo e mesditës, ku disa adoleshentë të shkollës ‘Fan Noli’ në Tiranë u përfshinë në një sherr me thika. Për pasojë Martin Cani 14-vjeç humbi jetën në spitalin e Traumës si pasojë e plagëve që mori. Luiz Meçja, një 14-vjeçar tjetër i përfshirë në ngjarje ndodhet nën kujdesin e mjekëve me plagë në trup.
Është e trishtë të raportosh kaq ngjarje të rëndë, në një kohë kur siguria në shkolla dhe mjediset pranë tyre duket të jetë në parametra maksimale.
Katër ditë më parë një tjetër ngjarje e rëndë tronditi Shkodrën, një vajzë 15-vjeçare i dha fund jetës së saj duke u vetëvarur në shtëpinë e prindërve. Shokët e saj ndanë foto nga momentet që kishin kaluar së bashku. Ka dyshime se adoleshentja i ka dhënë fund jetës si pasojë e shantazhit me anë të disa fotove të saj që thuhet se do të publikoheshin në rrjetet sociale.
Që të mos raportojmë më ngjarje kaq të rënda dhe shqetësuese për sigurinë e mbarë komunitetit, policia duhet të marrë masat e nevojshme për të parandaluar këto krime!
