Një plagosje me armë ka ndodhur në qytetin e Vlorës mesditën e sotme. Mësohet se i lënduar ka mbetur shtetasi me iniciale S. M., 37 vjeç, banues në Selenicë dhe aktualisht ndodhet nën kujdesin e mjekëve.
Njoftimi i policisë:
Vlorë/Informacion paraprak
Sot, në spitalin e Vlorës ka mbërritur për ndihmë mjekësore, i dyshuar i plagosur me armë zjarri në pjesën e kembës, në rrethana ende të paqarta, shtetasi S. M., 37 vjeç, banues në Selenicë. Aktualisht, 37-vjeçari ndodhet nën kujdesin e mjekëve.
Grupi hetimor po punon për sqarimin e rrethanave të ngjarjes dhe dokumentimin e plotë ligjor të saj.
