Modelja e njohur shqiptare, Anxhela Martini, ka bërë akuza të forta ndaj disa mediave në Shqipëri, duke pretenduar se ato kanë bllokuar përmendjen e saj dhe kanë fshirë artikuj që e përmendin.
Ajo thotë se kjo situatë ka lindur si rezultat i një konflikti me Hysenbelliu Group, një kompani ndaj të cilës ajo ka ngritur një proces gjyqësor.
Martini pretendon se kompania ka përdorur imazhin e saj për promovimin e birrës “Tirana”, pa autorizim dhe pa pagesë. Kjo birrë është në pronësi të familjes Hysenbelliu.
Në një postim të gjatë në rrjetet sociale, Ajo denoncon përdorimin e paautorizuar të imazhit të saj dhe flet për një histori personale me Fatmir Hysenbelliun, djalin e biznesmenit të njohur Irfan Hysenbelliut, me të cilin ajo kishte një lidhje të shkurtër në rini.
Martini sqaron se gjithçka ka filluar me një reklamë që ajo kishte bërë për një kompani alkooli shumë vite më parë dhe që, sipas saj, Hysenbelliu Group e përdori pa leje për gati një vit.
Ajo e karakterizon këtë veprim si një abuzim dhe shprehet se pas ndjeshëm kërkesave të saj ligjore, ata kanë filluar të bllokojnë artikujt dhe fotografitë e saj në media.
Martini akuzon Hysenbelliu Group se kanë krijuar një sistem bllokimi për t’i hequr asaj mundësitë e shfaqjes në media dhe për të dëmtuar imazhin e saj. Ajo thotë se ka dëshmi për këtë dhe se disa gazetarë e konfirmojnë ekzistencën e bllokimeve.
Martini thekson se situata nuk ka të bëjë vetëm me vëmendjen mediatike, por është një përpjekje për të sabotuar dhe heshtur individë nga ata që keqpërdorin pushtetin.
Ajo e inkurajon publikun që të njohë të vërtetën dhe të flasë për abuzimet nga të fuqishmit. Në fund, ajo nënvizon se e vetmja forcë e vërtetë është e vërteta dhe guximi për të luftuar për të.
