Ditën e hënë vendi ynë do të ndikohet nga kushte atmosferike të qëndrueshme. Moti parashikohet i kthjellët në të gjithë territorin, pa reshje dhe me diell gjatë gjithë ditës.
Era do të fryjë me drejtim jugperëndim – veriperëndim me shpejtësi mesatare deri në 5 m/s, ndërsa përgjatë vijës bregdetare do të arrijë deri në 8 m/s.
Valëzimi në det do të jetë i qetë, me forcë 1–2 ballë.
Temperaturat parashikohen me vlera minimale deri në 11 gradë Celsius dhe maksimale deri në 34 gradë Celsius.
Kushtet e qëndrueshme atmosferike do të krijojnë një ditë të favorshme për aktivitete të ndryshme në natyrë dhe përgjatë bregdetit.
