Një ngjarje e rëndë ka tronditur qytetin e Përmetit, ku një efektiv i policisë, Artur Ago, 56 vjeç, dyshohet se ka pasur një marrëdhënie intime virtuale me një vajzë 16-vjeçare nga Këlcyra.
Dy djem kanë shantazhuar policin, duke i kërkuar para në këmbim të mosshpërndarjes së një videoje intime, ku sipas burimeve, shfaqen momentet e komunikimit virtual me përmbajtje seksuale mes tij dhe të miturës.
Fillimisht, askush nuk ka bërë kallëzim në polici, por materiali është zbuluar nga persona të tretë dhe është referuar në Prokurorinë e Gjirokastrës, e cila ka nisur menjëherë hetimet në bashkëpunim me Agjencinë e Mbikëqyrjes Policore (AMP), për shkak se rasti përfshin një punonjës policie.
Sipas të dhënave të deritanishme, 7 persona janë shoqëruar, ndërsa 4 urdhër-arreste janë lëshuar për të rinjtë e përfshirë në shantazh dhe shpërndarjen e materialeve komprometuese. Raportohet se është shoqëruar edhe njerku i 16-vjeçares, i cili akuzohet se ka kryer veprime të turpshme me të.
