IDF publikoi fotot dhe videot e para nga operacionet në Gaza.
Pamjet tregojnë ushtarë izraelitë të armatosur plotësisht duke përparuar në Gaza, ndërsa automjete të blinduara operojnë në rrënojat nga bombardimet e ditëve të mëparshme.
Sipas të njëjtës deklaratë, Forcat Ajrore dhe Artileria Izraelite kanë bombarduar “më shumë se 150 objektiva terroriste” në të gjithë Qytetin e Gazës gjatë dy ditëve të fundit “në mbështetje të forcave që manovrojnë në zonë”.
Një nga videot tregon gjithashtu avionë luftarakë izraelitë që bombardojnë një “laborator prodhimi armësh të Hamasit” ndërsa “terroristët po përgatisnin eksplozivë për të synuar forcat e IDF-së në zonë”.
Largimi masiv vazhdon
Në të njëjtën kohë, “largimi masiv” i palestinezëve që jetojnë në qytetin e Gazës është vijon. OKB vlerëson se numri i personave të larguar deri në fund të gushtit ka arritur në 1 milion.
Sipas ushtrisë izraelite, “më shumë se 350,000 persona” deri më tani janë larguar nga zona jugore.
Megjithatë, shumë palestinezë i thanë Agjencisë Franceze të Lajmeve (AFP) se nuk ka vend të sigurt në zonë dhe se ata do të preferonin të vdisnin në shtëpitë e tyre sesa të zhvendoseshin përsëri.
Më herët këtë mëngjes, ushtria izraelite njoftoi krijimin e “një rruge kalimi të përkohshme” për të larguar banorët nga qyteti i Gazës.
“Trafiku do të lejohet përgjatë Rrugës Salah al-Din dhe pastaj në jug nga Wadi Gaza.”
“Në këtë fazë, rruga do të jetë e hapur vetëm për 48 orë, nga 17 shtatori 2025 në orën 12:00 (ora lokale) deri më 19 shtator në orën 12:00”, tha zëdhënësi i ushtrisë izraelite, Avichai Andrai.
