Një ligj i ri në Uzbekistan lejon të burgosurit të shkurtojnë dënimet e tyre duke lexuar libra.
Pas miratimit nga senati i vendit, çdo i burgosur mund të reduktojë dënimin e tij për tre ditë për çdo libër të lexuar dhe të miratuar, deri në një maksimum prej 30 ditësh në vit.
Megjithatë, ky ligj nuk aplikohet për ata që janë të dënua me burgim të përjetshëm. Sipas zyrtarëve, rreth 13,500 të burgosur mund të preken nga kjo masë.
Shakhrizod Shokirov, një zyrtar në Ministrinë e Brendshme, tha se Uzbekistan ka studiuar praktikën ndërkombëtare, duke u fokusuar kryesisht në Brazil dhe Itali.
Në Brazil, të burgosurit mund të reduktojnë dënimin për katër ditë për çdo libër të lexuar, deri në 48 ditë në vit, dhe një praktikë e ngjashme është në fuqin në Itali dhe Bolivi. Tani, Uzbekistan ka vendosur të adaptojë këtë praktikë në sistemin e tij ligjor.
Një komision i posaçëm do të mbikqyrë zbatimin e këtij ligji. Pasi të kenë lexuar një libër, të burgosurit do të kalojnë një provim për të treguar se e kanë kuptuar përmbajtjen. Vetëm ata që kalojnë provimin do të kenë të drejta për të shkurtuar dënimin.
Listën e librave për lexim përfshin tituj të njohur si “Plaku dhe Deti” nga Ernest Hemingway, “Për Luftën” nga Karl von Clausewitz, “Një Tragjedi Amerikane” nga Theodore Dreiser, si dhe disa vepra të letërsisë uzbeke.
Begmat Ochilov, specialist në Qendrën Republikane për Spiritualitet dhe Edukim, nënvizon se leximi ndihmon të burgosurit në vetë-reflektim dhe përmirësimin e edukatës morale, duke kontribuar kështu në parandalimin e krimeve të ardhshme.
Reagimet në Uzbekistan kanë qenë pozitive, me avokatë dhe ekspertë të arsimit që e shohin këtë masë si një mundësi për të burgosurit që të investojnë kohën e tyre në mësim e jo në mosek zigjet. Zyrtarët theksojnë se zbatimi i qëndrueshëm i ligjit do të jetë çelësi i suksesit të tij.
