Libani sheh dritë në fund të tunelit. Sipas raportimeve të mediave ndërkombëtare raportohet se Libani është në pritje të propozimeve konkrete për armëpushim, duke cituar kryetarin e parlamentit Nabih Berri, pasi një zyrtar i lartë amerikan tha se ka një shpresë për arritjen e një armëpushim në konfliktin midis Izraelit dhe Hezbollahut.
I dërguari i Shtëpisë së Bardhë Amos Hochstein i tha për mediat amerikane se mendon se “ka një shpresë” për një armëpushim në Liban së shpejti. “Unë shpresoj se mund ta arrijmë atë”, theksoi ai.
Shtetet e Bashkuara dhe fuqitë e tjera botërore thonë se një armëpushim duhet të bazohet në rezolutën 1701 të Këshillit të Sigurimit të OKB-së, e cila i dha fund një lufte mes palëve në vitin 2006. Rezoluta kërkon që zonat e Libanit jugor pranë kufirit izraelit të jenë të lira nga çdo armë tjetër përveç atyre të shtetit libanez.
Lajmet kontradiktore për një armëpushim vijnë në momentin kur Libani ka përjetuar sulme të shumta nga ajri nga ushtria e Izraelit. Periferia jugore e Libanit është goditur nga raketat izraelite Ushtria izraelite për të dytën ditë radhazi. Tymi u ngrit mbuloi gjithë Bejrutin. Sulmi ajror izraelit në orët e para të së mërkurës vrau gjithashtu gjashtë persona në Aaramoun, në malet rreth 15 km (10 milje) në jug të Bejrutit, tha ministria e shëndetësisë e Libanit.
Izraeli ka bërë të ditur se ka ndërmarrë hapa për të reduktuar dëmin ndaj civilëve dhe përsëriti akuzat e tij të qëndrueshme se Hezbollahu futet qëllimisht në zonat civile për të përdorur banorët si mburoja njerëzore, një akuzë që Hezbollahu e kundërshton.
Konflikti midis Izraelit dhe Hezbollahut të mbështetur nga Irani kishte qenë i zhurmshëm për gati një vit përpara se Izraeli të shkonte në ofensivë në shtator, duke goditur Libanin me sulme ajrore dhe duke dërguar trupa në jug.
