Barush Bregu, i njohur dhe si Bajram Bregu është sipas policisë, një nga bashkëpunëtorët e Ragip Gilës, i cili kreu ditën e djeshme masakrën me dy viktima dhe dy të plagosur në Shkodër.
Policia bën me dije se 39-vjeçari do të përballet me akuzat për veprat penale “Sigurimi i kushteve dhe mjeteve materiale për të kryer vrasje”, ”Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
Emri i Bregut është i njohur për autoritetet.
Ai është arrestuar në vitin 2019 për vrasjen e vëllezërve Bilali.
Bregu njihet si krahu i djathtë i Ibrahim Licit autorit kryesor të dyshuar për vrasjen e vëllezërve Bilali me 30 mars të këtij viti dhe pjesëtar i familjes Lici të cilët janë në përplasje me grupin tjetër kriminal Bajri edhe këto të fundit të arrestuar që në shtator të vitit të kaluar.
Në 2016, Bregu u dënua me 4 vite burg për kultivim të bimëve narkotike, kryer në bashkëpunim si dhe armëmbajtje pa leje.
Në vitin 2018, policia gjatë një operacioni në banesë i gjeti një automatik kallashnikov.
Barush ose Bajram Bregu vitin e kaluar gjatë ndjekjes nga policia e Shkodrës arriti që t’i shpëtojë ndërsa përplasi me mjetin e tij dy patrulla të policisë duke i shpëtuar ndjekjes.
