Rakip Gila, autori i dyshuar i masakrës në Shkodër me 2 të vrarë dhe 2 të plagosur, mes tyre një grua, është me rekorde kriminale.
Tre vite më parë, në lagjen Partizani, u zbulua një bazë armatimi dhe u arrestua, Rakip Gila.
Atëkohë, blutë sekuestruan 7 jelekë antiplumb, 2 palë doreza, 3 maska, 2 paruke, municion luftarak, 1 kokore metalike, 1 armë gjahu, sende të tjera të kundraligjshme, si dhe një sasi kanabisi.
Rakip Gila u arrestua dhe dënua. Ai është liruar pak muaj më parë dhe tashmë kreu masakrën.
Atentati i sotëm në Shkodër la të vdekur në vendgjarje Armando Palin, punojës i IKMT-së, dhe ish-anëtar i Këshillit Bashkiak në Shkodër.
Ndërsa pak mimuta më vonë ndërroi jetë njëri prej të plagosurve Lirodon Kraja.
Viktima, mësohet se ishte truproja e anëtarit të grupit të Bajrit, Erogen Vasos (Brajoviç). Ky i fundit, i cili po gjithashtu mbeti i plagosur, dyshohet se ishte shënjestra e atentatit.
Ngjarja ndodhi në lokalin “Kolë Idromeno”, në një zonë të banuar dhe të frekuentuar nga qytetarët, duke shkaktuar panik të madh.
Ende nuk janë bërë të ditura detaje mbi motivet e sulmit, ndërsa hetimet po vijojnë për të zbardhur plotësisht rrethanat e ngjarjes dhe për të kuptuar nëse ka persona të tjerë të përfshirë. Ndëkrohë është arrestuar edhe autori i dyshuar i ngjarjes.
