Një urë e varur në Grykën e Lumit Dadong në Chongqing, Kinë, është shpallur si ura më e frikshme në botë, duke u ngritur 150 metra mbi nivelin e lumit. Gjatë dy viteve të fundit, klipet që tregojnë automjete të rënda duke e kaluar këtë urë të hollë kanë bërë xhiron e mediave sociale, duke nxitur dyshime mbi sigurinë e saj.
Me një gjatësi prej 240 metrash, kjo urë impresionuese nuk ka mbështetje tradicionale, si kulla apo baza, dhe mbështetet vetëm në katër kabllo çeliku që mund të përballojnë automjete deri në 45 ton. E gjerë vetëm 12 metra, ajo lejon kalimin e një automjeti në të njëjtën kohë, e duke pasur parasysh mungesën e mbështetjeve shtesë, të gjithë kalimtarët duhet të jenë të kujdesshëm, sidomos në ditë me erë.
Urën e Grykës së Lumit Dadong e ka projektuar ekipi i inxhinerëve si një zgjidhje të përkohshme për të lehtësuar ndërtimin e Urës Shuangbao, e cila do të jetë më e madhe dhe më impozante. E dizajnuar për të shtrirë mbi lumenjtë Dadonghe dhe Xiaohegou, Ura Shuangbao do të përfshijë një hark qendror mbresëlënës, por për të arritur në vendin e ndërtimit, duhej një mënyrë efikase që praktikisht kishe si zgjidhje urën temporale.
Pavarësisht se është një zgjidhje e përkohshme, kalimi i kësaj ure kërkon siguri të lartë dhe kujdes. Edhe pse ka rrjeta sigurie nga të dyja anët, një gabim mund të ketë pasoja fatale. Ura e varur është aktualisht e utilizuar kryesisht nga kamionët dhe makineritë që punojnë për ndërtimin e Urës Shuangbao.
Përfundimisht, ky projekt është një tjetër testament i infrastrukturës mbresëlënëse që Kina është e njohur, që nga “autostradat e lumenjve” deri te mbikalimet e larta, duke e forcuar statusin e vendit si lider në inovacionin inxhinierik.
