Një urë e varur në Chongqing të Kinës, e njohur si ura e varur më e frikshme në botë, shtrihet 150 metra mbi Grykën e Lumit Dadong. Kjo strukturë, që është bërë virale në mediat sociale për pamjen e saj të frikshme, është vetëm 240 metra e gjatë dhe mbështetet vetëm në katër kabllo çeliku, pa kulla ose mbështetje shtesë. Ajo ka një gjerësi prej 12 metrash, e mjaftueshme për kalimin e vetëm një automjeti, dhe ndonëse ka rrjeta sigurie, një gabim i vogël mund të ketë pasoja fatale.
Ura, që shtrihet rreth 300 metra mbi lumin, është projektuar si një strukturë përkohëse për të lehtësuar ndërtimin e Urës Shuangbao, një projekt më ambicioz që do të jetë ura më e madhe me dy harqe në botë, kur të përfundojë. Ndërtimi i kësaj ure përfundimtare kërkonte një qasje në majën e një mali të vogël, dhe për këtë arsye u shpik ura e varur, e cila ka lejuar punuesit të arrijnë në vendin e punës.
Në ditë me erë, kalimi mbi këtë urë është i vështirë dhe frikësues, sidomos për kamionët dhe makineritë ndërtuese që e përdorin atë. Megjithëse presioni horizontal i kabllove të saj masive ka garantuar stabilitet deri më tani, expertët e inxhinierisë paralajmërojnë se stabiliteti i kësaj ure nuk është maksimal. Kina është e njohur për projekte të jashtëzakonshme infrastrukturore, dhe kjo urë është një tjetër testament i asaj që inxhinierët janë të aftë të realizojnë, pavarësisht risqeve që sjell.
Mbetet për t’u parë se si do të ndikohet ky projekt i përkohshëm nga natyra dhe se çfarë ndihmash do të ofrohet për të siguruar kalimin e sigurt mbi këtë urë të frikshme.
