Mijëra rrënjë kanabis janë asgjësuar nga policia në Malësinë e Madhe në kuadër të operacionit të koduar “Koordinata”.
Si rezultat i kontrolleve janë gjetur të kultivuara 12 957 bimë narkotike, në njësinë administrative Kastrat, në fshatrat Alijaj dhe Jeran.
Janë arrestuar 14 persona, 10 janë shpallur në kërkim, ndërsa 2 të tjerë janë proceduar në gjendje të lirë.
Shërbimet e policisë kanë sekuestruar 1000 fara kanabis dhe 709 kilogramë lëndë narkotike në formë boçeje si dhe 3934 kg bimë në proces tharjeje.
Të arrestuar
Elez Çulaj, 77 vjeç, Muho Çulaj, 72 vjeç, Fatmir Senaj, 57 vjeç, Drita Senaj, 53 vjeç, Rezarta Jacaj, 36 vjeç, Kujtim Laçaj, 60 vjeç, Elfajed Halaj, 26 vjeç, Agron Laçaj, 50 vjeç, Adrian Çekaj, 22 vjeç, Gjelin Çekaj, 48 vjeç, Miranda Çekaj, 25 vjeç, Pjetër Çekaj, 66 vjeç, Çun Halaj 70 vjeç dhe një 17- vjeçar.
U shpallën në kërkim shtetasit A. Ç., 54 vjeç; G. U(C)., 38 vjeç; D. Ç., 33 vjeç; Sh. Ç., 49 vjeç; Gj. Ç., 50 vjeç; E. H., 33 vjeç; M. H., 37 vjeç; E. H., 40 vjeç; M. H., 46 vjeç; A. H., 35 vjeç si dhe u proceduan penalisht në gjendje të lirë shtetaset L. N., 53 vjeçe dhe N. N., 25 vjeçe.
Nga hetimet dyshohet se këta shtetas kanë kultivuar 12 597 bimë të dyshuara narkotike, të llojit Cannabis Sativa, në fshatrat Alijaj dhe Jeran, pranë banesave të tyre. Bimët narkotike u asgjësuan me anë të djegies, ndërsa gjatë kontrolleve në banesa u gjetën edhe sasi të konsiderueshme lënde narkotike në faza të ndryshme përpunimi.
Nga kontrollet në banesat e tyre u gjetën dhe u sekuestruan në cilësinë e provës materiale 1000 fara kanabis dhe 4685 kilogramë lëndë narkotike, në formë boceje dhe një sasi në proces tharjeje.
Vijon puna intensive përkapjen e shtetasve të shpallur në kërkim.
