Auron Tare, një studiues i njohur, ka shpërthyer ndaj ndërhyrjeve të fundit që po bëhen në rrugën historike Egnatia, duke i kërkuar Kryeministrit të ndërhyjë për të ndaluar shkaterimin e trashëgimisë kulturore në Shqipëri. Në një postim të tij, Tare thekson se këto veprime po e bëjnë Shqipërinë të duket qesharake në sytë e botës, ndërsa po shkatërrojnë pasuritë kulturore që janë trashëguar për shekuj me radhë.
Ai thekson se rrugëtimi i trashëgimisë kombëtare nuk mund të menaxhohet në këtë mënyrë. Duke i akuzuar institucionet kombëtare të trashëgimisë për rënien dhe futjen e OJQ-ve dhe firmave pa kapacitete, ai paralajmëron se këto veprime po sjellin dëme të pakthyeshme.
Via Egnatia, një nga rrugët më të rëndësishme të historisë europiane, është e lidhur me ngjarje dhe figura të rëndësishme, nga legjionet romake deri te përandorët dhe krerët e kishës, duke luajtur një rol të rëndësishëm në kalimin e kulturës dhe feve. Tare e përshkruan si një trashëgimi europiane që nuk duhet të mbyllet nën asfaltin e injorancës.
Ai e krahasoi kujdesin për Egnatian me atë të vendeve fqinje si Maqedonia dhe Greqia, të cilat po e ruajnë këtë rrugë me fanatizëm. Ai jep shembuj të tjera, si restaurimin e Via Apia në Itali, duke ilustruar se si këto vende e vlerësojnë dhe mbrojnë trashëgiminë e tyre kulturore.
Tare përfundon me një apel të fortë për Kryeministrin dhe qeverinë shqiptare, duke e quajtur Via Egnatia “udhë për në Europë” dhe duke e paralajmëruar se, nëse nuk ndërhyhet, Europës do t’i vije turp për shkatërrimin që po ndodh ndaj trashëgimisë së saj. Ai thekson rëndësinë e veprimit të menjëhershëm për të ruajtur këtë pjesë të rëndësishme të historisë europiane.
