Një ngjarje ka ndodhur në Selanik pasi dy fëmijë të mitur vetëm 1 dhe 2 vjeç, u gjetën duke ecur të vetëm në rrugë nga një shofer i rastësishëm.
Ngjarja ndodhi mëngjesin e së enjtes (4 shtator) në zonën Charilaou ndërkohë që prindërit e tyre ndodheshin në banesë.
Shoferi njoftoi menjëherë autoritetet, të cilat mbërritën në vendngjarje dhe identifikuan prindërit e fëmijëve.
Ata rezultuan të ishin një 49-vjeçar me origjinë shqiptare dhe partnerja e tij 22-vjeçare me origjinë bullgare.
Policia i arrestoi ata nën akuzën e ekspozimit të të miturve në rrezik.
Sipas burimeve nga mediat greke çifti ka deklaruar në dëshminë e dhënë në gjykatë se fëmijët ishin lënë përkohësisht nën mbikëqyrjen e vajzës së tyre 12-vjeçare.
Ata thanë se vajza e mitur pa e kuptuar rrezikun kishte hapur derën e shtëpisë, duke lejuar vëllain dhe motrën e vogël të dilnin jashtë ndërsa vetë po flinin.
Gjykata e Selanikut vendosi masën e paraburgimit për të dy prindërit, ndërsa hetimet po vijojnë për të përcaktuar rrethanat e plota të ngjarjes dhe përgjegjësinë ligjore.
