Detaje të reja kanë dal nga ngjarja e rëndë që ka ndodhur pasditen e sotme në Ferizaj, ku 59-vjeçari, Ekrem Sadiku ka plagosur me thikë katër persona, mes tyre edhe një 10 vjeçare.
Mësohet se të lënduarit janë 2 djem dhe 2 vajza të mitura, të cilat para se të qëlloheshin me thikë kishin shkuar për vizitë tek të afërmit në Ferizaj, sipas Klankosova.
“Pasditen e sotme rreth orës 15:40 ka ndodhur një rast i rëndë në Ferizaj, ku një 59-vjeçar, Ekrem Sadiku ka therur katër persona, kalimtar të rastit. Motivet ende nuk dihen. Këta kalimtarë janë dy vajza dhe dy djem, vajzat nën moshën 18-vjeçare, dhe dy djem të moshës madhorë. Dy vajzat kanë qenë mysafirë në Ferizaj. Policia po heton rastin”, tha gazetarja Çliresa Hasani.
Dyshohet se autori ishte i alkoolizuar dhe me probleme mendore. Ai kreu sulmin në Ferizaj, pasi ndoqi pas dy vajzat e mitura, njëra 10-vjeçare dhe tjetra 14.
“Në hyrje të shtëpisë ku ato po qëndronin i godet me thikë nga pas. Ai ka vazhduar sulmin edhe në një rrugë më sipër ku ka sulmuar një 30-vjeçar, sulmin e katërt e ka kryer rreth 1.1km më larg duke goditur një person rreth të 30-tave.
Ai është arrestuar rreth 3 km larg vendit të ngjarjes.
Sa i përket gjendjes shëndetësore të plagosurve, personi i tretë i sulmuar është në gjendje të rëndë.
Ai ka lëndime në pjesën e fytyrës dhe do t’i nënshtrohet një operacioni tjetër. Edhe 10-vjeçarja ka mbërritur me lëndime të rënda por gjendja është stabilizuar. Dy të tjerët janë jashtë rrezikut.
Persona që ishin në afërsi kanë reaguar në drejtim të të plagosurave. Banorët janë shprehur se ishte i alkoolizuar. Sulmuesi është i komunitetit shqiptar, tre të lënduarit janë të komunitetit të pakicës dhe një tjetër shqiptar”-raportoi gazetarja Leonita Bajrami.
