Kryeministri Edi Rama nderoi sot artistin e madh, Dhimitër Anagnosti.
Kreu i qeverisë mori pjesë në ceremoninë e homazheve të zhvilluara në sallën e Teatrit të Operas dhe Baletit, ku personazhe të jetës politike dhe kulturore në vend, kineastë, si dhe shumë dashamirës të artit e njerëz të thjeshtë nderuan regjisorin e mirënjohur, i cili u shua në moshën 89 vjeçare, duke lënë pas një trashëgimi të pasur personazhesh dhe rolesh të spikatura në filmat shqiptarë.
Pasi u përul me nderime para arkëmortit me trupin e pajetë të Anagnostit, kryeministri u ul në tryezë dhe shkruajti në librin e kujtimeve.
“Jam i bindur që ke menduar shpesh për këtë ditë kur do të ndahesh përgjithnjë nga zhurma e qytetit e do të prehesh në Vunoin tënd, ku paqja e merituar do të jetë mbi ty”, shkroi Rama në mesazhin e tij, të cilin e përmbylli me: “Me mall Edi”.
