Lajmi se Adrian Bajrami ka zgjedhur të braktisë Kombëtaren shqiptare për t’u integruar në ekipin e Zvicrës ka shkaktuar reagime të fuqishme dhe zhgënjim mes tifozëve shqiptarë. Disa e konsiderojnë këtë veprim si tradhti, duke akuzuar lojtarin për mosrespektimin e vendit të tij të origjinës. Megjithatë, pyetja që duhet marrë parasysh është: a është Bajrami vërtet një “tradhtar”, apo është ai rezultati i një menaxhimi të pafavorizuar nga ana e Federatës Shqiptare të Futbollit (FSHF)?
Kjo situatë është e ngjashme me raste të tjera të mëparshme, siç ishte ai i Mërgim Mavrajt, i cili, pas një traditë të ngjashme neglizhencash, pati fatin të rikthehej në Kombëtare përmes intersesës të trajnerit De Biazi. Bajrami, ndonëse është grumbulluar disa herë nga trajneri Sylvinho, nuk ka pasur rastin të paraqitet në ndeshje zyrtare, duke iu dhënë ndjesia se ishte thjesht një “turist” në ekip.
Ky lloj trajtimi është shqetësues, sidomos për lojtarët e rinj që ndihen të lënë mënjanë. Nëse FSHF nuk ofron mundësi që ato të provojnë vlerat e tyre, atëherë ajo i detyron ata të kërkojnë mundësi në vende të tjera, siç po ndodh me Bajramin. Ndërkohë, ndërsa për suksesin historik në Euro 2024 konsiderohet merita e Sylvinho-s, strategjia e tij e përhershme për të mbajtur një bllok të njëjtë lojtarësh, ka sjellë rezultate varfëruese, me barazime që kanë zbehur shpresat për kualifikim në Botërorin 2026.
Rasti i Bajramit është vetëm një shembull i një tendence më të gjerë. Anis Mehmeti, një tjetër talent që po shkëlqen në Championship, është po ashtu injoruar për më shumë se dy vjet. Koha po kalon dhe futbollistët moderne kanë alternativa; nëse nuk ndihen të vlerësuar, nuk do të presin pafundësisht.
Në vend që të etiketohen lojtarët si “tradhtarë”, duhet të mendojmë se a e kemi ne tradhtuar ata me menaxhimin tonë. Kombëtarja ka nevojë për një strategji më të guximshme, më tepër besim te të rinjtë dhe më pak frikë nga ndryshimet. Nëse Sylvinho vazhdon të mbetet në konservatorizëm, do të përkujtohet vetëm për suksesin në Euro 2024 dhe jo për ndihmën në ndërtimin e një ekipi që e çon Shqipërinë në nivele më të larta.
