Një 26-vjeçar shqiptar është arrestuar në ishullin turistik në Rodos të Greqisë, pasi akuzohet për përdhunim.
Mësohet se i riu është denoncuar nga një striptiste 36-vjeçare për abuzim seksual dhe dhunë. Shqiptari u ndalua nga oficerët e policisë së OPKE në Departamentin e Policisë së Arkangelos, kurse ngjarja ka ndodhur në një hotel në Faliraki, sipas denoncueses. Ai mohoi akuzën dhe tha se vajza kishte shkuar me dëshirë dhe nuk pati dhunë.
Pas marrjes së dëshmisë për disa orë në komisariat, shqiptari u lirua nga prangat, por do të jetë nën hetim pas padisë për abuzim seksual dhe do dërgohet për gjykim. I riu ishte punësuar si bukëpjekës në një hotel në ishull dhe punonte në përgjithësi gjatë sezonit veror.
