Duke filluar nga data 15 shtator, qarkullimi në Tunelin e Llogarasë do të jetë me tarifë prej 10 eurosh për udhëtim vajtje-ardhje për automjetet. Deri në këtë datë, lëvizja do të vijojë të jetë pa pagesë, siç ishte njoftuar më herët nga Ministria e Infrastrukturës, në funksion të lehtësimit të lëvizjes gjatë sezonit turistik.
Tuneli ka një gjatësi prej 5.9 kilometrash dhe ka reduktuar ndjeshëm kohën e udhëtimit nga Dukati në Palasë, nga 45 minuta në vetëm 7 minuta. Projekti përfshin dy tunele, ku njëri shërben si emergjencë, por parashikohet të vihet në përdorim në rast fluksi të shtuar turistësh.
Menaxhimi i tarifimit dhe shërbimeve përkatëse do të kryhet nga Enti Kombëtar i Operimit Rrugor (EKOR), një shoqëri aksionare me kapital shtetëror, nën mbikëqyrjen e Ministrisë së Infrastrukturës dhe Energjisë. Kjo strukturë do të përgjigjet për operimin, mirëmbajtjen e sistemit të pagesave, shpërndarjen e biletave dhe aboneve për përdoruesit e përhershëm.
Me këtë ndryshim, Tuneli i Llogarasë bëhet segmenti i katërt rrugor në vend që aplikohet me pagesë, pas rrugëve Milot-Morinë, Thumanë-Kashar dhe Dukat-Palasë.
