Ardit Doçi është arrestuar nga policia pasi u kap në flagrancë duke transportuar 2 kallashnikov nga Burreli në Tiranë. Policia bën me dije se 22-vjeçari po i transportonte armët në Tiranë, për t’i shitur për llogari të grupeve kriminale.
Policia ka sekuestruar 2 armët e zjarrit, 4 krehra për to, automjeti dhe celulari i 22-vjeçarit.
“A. D., 22 vjeç, banues në Burrel. Gjatë operacionit, në tunelin e Murrizit, shërbimet e Policisë kanë ndaluar automjetin që drejtonte 22-vjeçari, në të cilin, gjatë kontrollit, gjetën të fshehura në bagazh, 2 armë zjarri kallashnikov dhe 4 krehra për to”, njofton policia.
Materialet procedurale i kaluan Prokurorisë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
