Vajza 18-vjeçare e shqiptares Marjola Nakoleci ka folur sërish për mediar greke ku zbuluar detaje nga sherri fatal që i mori jetën nënës së saj. Vajza në një intervistë për MegaTv është shprehur se babai i saj ishte xheloz dhe se kjo ishte shkak i debateve të shpeshta.
Sipas saj debatet e mëparshme nuk kanë qenë kaq të mëdha sa ndodhi ditën fatale. Ajo u shpreh se babai i saj kishte nisur punë dhe ishte qetësuar. Ditën e ngjarjes çifti debatuan dhe sipas vajzës 36-vjeçarja i tha bashkëshortit që të ndahen.
Vajza shtoi se babai i saj vepro shpejt dhe e goditi me thikë 36-vjeçaren. Nëna sipas saj po bërtiste ndërsa ai e kapi nga flokët dhe e hodhi në tokë. Ajo shtoi se gjithçka ndodhi papritur dhe në sy të saj. Vajza ka hedhur poshtë lajmet se nëna e kishte nxjerrë jashtë 40-vjeçarin nga banesa. Sipas saj ai ishte larguar për dy ditë dhe ishte rikthyer duke kërkuar falje dhe se i vinte keq.
Intervista e vajzës 18-vjeçare për mediat greke:
Vajza: U grindën sepse babai im ishte shumë xheloz.
Nuk janë grindur më parë?
Vajza: Janë grindur por jo kështu. Ishim mirë. Kohët e fundit kishte filluar punën. Punonte normalisht, ishte normal. Nuk bërtiste, nuk pinte, asgjë nga këto. Thjesht filloi nga xhelozia dhe për këtë arsye e bëri.
Ishe aty?
Vajza: Po. Nëna ime bërtiste ‘ndihmë ndihmë’, ai veproi shpejt dhe iku. Pashë gjithçka, edhe kur ai e goditi me thikë dhe ajo po bërtiste, edhe kur e tërhoqi nga flokët dhe e hodhi përtokë. Ata ishin në dhomë, po bërtisnin. Nuk i kushtova shumë vëmendje, po flija.
Pastaj mami filloi të thoshte ‘Do të më vrasësh’? Pastaj filloi të vraponte. Ishim unë dhe vëllai im, ai është 13 vjeç. Nuk di çfarë të them. Ishte e papritur. Nuk di çfarë të mendoj. U grindën për këtë dhe mami i tha ‘më mirë të ndahemi’. Ai iku njëherë për dy ditë, nuk e nxorri jashtë mami, iku vetë dhe pastaj u kthye dy ditë më vonë dhe na thoshte më vjen keq, por ne e besuam. Nuk dua ta shoh më.
A kishte tentuar ndonjëherë vetëvrasjen?
Vajza: Po një herë, këtë vit në fakt. Për të njëjtën arsye.
A ja mori celularin mamit për të kontrolluar mesazhet?
Vajza: Po, po.
