Mediat greke kanë zbardhur detaje të reja nga krimi i rëndë në familjen shqiptare. Një 40-vjeçar shqiptar, dyshohet se vrau me thikë bashkëshorten e tij 36-vjeçare. Ngjarja dyshohet se ka ndodhur në sy të fëmijëve.
Një nga katër fëmijët e familjes i tha policisë: E pashë babin duke e therur mamin me thikë.
Krimi ndodhi në pallatin ku jeton familja në rrugën Konstanta, në Volos.
Sherri filloi në apartamentin e tyre dhe çifti zbriti në hyrje të pallatit ku vazhduan të ziheshin. Më pas, burri, dyshohet se vrau gruan e tij me thikë dhe u largua menjëherë nga vendi i krimit.
36-vjeçarja ka plagë në shpinë dhe në qafë. Autori i krimit, doli me vrap nga pallati dhe u largua, ndërsa policia ka nisur kërkimet për ta arrestuar.
Zona është rrethuar nga forca të shumta policore, ndërsa një ambulancë dhe një mjek ligjor ndodhen në vendngjarje.
Sipas informacioneve nga protothema.gr, nuk ka pasur të dhëna për dhunë në familje, megjithatë, autori ishte përdorues droge dhe kishte tentuar vetëvrasje në qershor.
