Një ngjarje e rëndë ka ndodhur në Volos, Greqi ku një 40-vjeçar shqiptar vrau gruan e tij 36-vjeçare, me të cilën ka katër fëmijë, dhe më pas u arratis.
Krimi ndodhi në pallatin ku jeton familja në rrugën Konstanta. Sherri filloi në apartamentin e tyre dhe çifti zbriti në hyrje të pallatit ku vazhduan të ziheshin.
Më pas shqiptari, dyshohet se goditi bashkëshorten e tij, gjithashtu shqiptare, me thikë dhe u largua menjërherë nga vendi i krimit.
Policia greke po vijon kërkimet për autorin.
Zona është rrethuar nga forca të forta policie, ndërsa një ambulancë dhe një mjek ligjor ndodhen në vendngjarje.
Sipas informacioneve nga protothema.gr, nuk ka pasur raste të dhunës në familje.
