Në fshatin Drashovicë është regjistruar një vatër zjarri ndërsa ende nuk dihet nëse kemi të bëjmë me zjarrvënie të qëllimshme.
Sipas raportimeve, flakët janë përhapur papritmas 100 metra poshtë një stalle duke rrezikuar bagëtitë. Pritet ndërhyrja e zjarrfikësve për të shuar flakët ndërsa ende nuk ka një reagim nga autoritetet.
Ndërkohë sot një vatër zjarri është shfaqur edhe në Fushë-Arrëz, por këtë herë në pyjet pranë fshatit Kryezi në Podinat.
Ndërkohë që Bashkia e Fushë-Arrëzit po kërkon ndihmë të menjëhershme nga ajri. Gjithashtu i bëjnë apel edhe banorëve të zonës që të mobilizohen për të ndihmuar në vënien nën kontroll të flakëve.
