“Paqe për Ukrainën dhe Lindjen e Mesme, paqe për “të gjithë botën”, ishte mesazhi i Papa Leonit këtë të mërkurë.
Papa Leoni XIV u lut për këtë në përshëndetjet e tij gjatë audiencës së përgjithshme të së mërkurës në Sallën Pali Via, sipas Corriere.
“Përshëndes përzemërsisht polakët e pranishëm në Romë dhe ata që janë në pelegrinazh në Shenjtëroren e Zonjës sonë të Jasna Górës”, tha Papa, “të përfshini në qëllimet tuaja lutjen për dhuratën e paqes – të paarmatosur dhe çarmatosëse – për të gjithë botën, veçanërisht për Ukrainën dhe Lindjen e Mesme. Ndërsa toka jonë vazhdon të jetë e plagosur nga luftërat në Tokën e Shenjtë, në Ukrainë dhe në shumë rajone të tjera të botës, i ftoj të gjithë besimtarët të kalojnë 22 gushtin në agjërim dhe lutje, duke iu lutur Zotit të na dhurojë paqe dhe drejtësi dhe të thajë lotët e atyre që vuajnë për shkak të konflikteve të armatosura të vazhdueshme”.
Kështu përfundoi Papa Leo XIV Audiencën e Përgjithshme, duke kujtuar se e premtja është përkujtimi i Virgjëreshës së Bekuar Mari, e thirrur edhe si Mbretëresha e Paqes. “Maria, Mbretëresha e Paqes, ndërmjetësoftë që njerëzit të gjejnë rrugën drejt paqes”, përfundoi Papa.
