Gjykata e Korçës ka lënë në burg autorin e vrasjes së 14-vjeçarit Erald Xhejos, të miturin Eneido Guri.
Gjithashtu në qeli gjykata ka lënë dhe Edison Gurin, babai i autorit 14-vjeçar dhe Ronald Gurin, xhaxhai, të cilët ndihmuan në prishjen e provave të krimit. Referuar policisë, xhaxhai i Enedio Gurit, ka marrë thikën me të cilën nipi i tij kreu vrasjen, e ka larë për të hequr gjurmët e gjakut e më pas e ka futur në xhep për ta fshehur.
Ndërkohë, Edison Guri, babai i autorit, ka fshehur djalin e tij në një banesë pas kryerjes së vrasjes, me qëllim për t’iu shamngur policisë.
Gjykata e Korçës ka lënë në arrest shtëpie Flori Çelën, i cili ndihmoi 14-vjeçarin të largohej nga vendi i krimit ndërsa 4 të mitur të tjerë, në cilësinë e dëshmitarëve okularë dhe si persona në dijeni, janë lënë në masën detyrim paraqitje.
