Policia e Korçës ka vënë në pranga 5 shtetas, mes tyre autorin e dyshuar të plagosjes së një 28-vjeçari në fshatin Mollaj, si dhe 4 persona të tjerë të përfshirë në dhunimin e tij pas ngjarjes.
Ngjarja ndodhi pasditen e 15 gushtit, pas një konflikti për motive të dobëta. 41-vjeçari A. Q., banues në Mollaj, dyshohet se plagosi me thikë 28-vjeçarin A. K., i cili u dërgua në spital në gjendje të rëndë shëndetësore. Autori, i cili mbeti i dëmtuar gjatë konfliktit pasi u godit nga persona të tjerë, ndodhet në spital jashtë rrezikut për jetën.
Nga hetimet dhe pamjet filmike të siguruara, policia ka arrestuar gjithashtu edhe katër shtetas të tjerë, të cilët menjëherë pas ngjarjes goditën autorin e plagosjes, duke i shkaktuar dëmtime në kokë dhe trup. Ata janë Aleks Qiqi 41-vjeç, Isuf Dalip 45 vjeç, Thanas Paskali 47 vjeç, Dhimitër Kodra 47 vjeç, Bilal Shkëmbi 33 vjeç. Të gjithë banues në Mollas.
Në cilësinë e provës materiale u sekuestruan thika e përdorur, një aparat celular dhe pamjet filmike të ngjarjes.
Ndaj 41-vjeçarit rëndojnë akuzat për “Vrasje me dashje” e mbetur në tentativë, “Dëmtime të tjera me dashje” dhe “Mbajtje pa leje e armëve të ftohta”.
Kurse katër të arrestuarit e tjerë do të përballen me akuzën për “Plagosje të rëndë me dashje”, kryer në bashkëpunim.
Materialet iu referuan Prokurorisë së Korçës për veprime të mëtejshme hetimore.
