Pogradec – Një ngjarje tragjike është shënuar këtë mëngjes në fshatin Velçan, ku një 47-vjeçar dyshohet se ka humbur jetën si pasojë e goditjes nga rrufeja.
Sipas informacioneve paraprake, rreth orës 10:00, shtetasi L. Ç., i cili punonte si çoban, u godit nga rrufeja teksa ndodhej në zonën malore duke ruajtur bagëtitë. Për pasojë, ai ka ndërruar jetë në vend. Nga goditja e rrufesë kanë ngordhur gjithashtu rreth 20 krerë bagëti të imëta.
Grupi hetimor ndodhet në vendngjarje dhe po punon për dokumentimin e plotë të rrethanave të kësaj ngjarjeje fatkeqe.
