Shtyrjen nga qeveria për një afat të pacaktuar të çeljes së procesit të rivlerësimit të pronave, përfaqësuesja e shoqatës NAREA, Ilda Zaloshnja, e sheh si të paqartë.
E ftuar në një studio televizive, ajo tha se janë bllokuar transaksione për muaj me radhë në pritje të rivlerësimit, në mënyrë që norma e fitimit të ishte më e lartë.
Sipas tij, gjithë këto transaksione të lidhura me individë që prekin agjencitë imobiliare, sot janë të paqarta.
Zaloshnja deklaroi se shtyrja pa afat e procesit të rivlerësimit e lë tregun imobiliar pezull, si operatorët, por edhe blerësit dhe shitësit të cilët janë angazhuar në kontrata juridike.
“Për ata qytetarë që kishin bërë llogaritë e shitjes, nisur me një taksë prej 5% për rivlerësimin e llogarive të paluajtshme, tashmë duhet t’i bëjnë llogaritë me një taksë 15% siç ka qenë.
E gjithë tymnaja lidhur me rivlerësimin dha një shpresë për zhdërvjelltësimin e transaksioneve imobiliare dhe tashmë u kthye në hiç.
Se ministri i Financave e ka bllokuar procesin, por nuk ka dhënë një afat se kur do e rifillojë atë, nisur nga premtimi i dhënë për qytetarët.
Pati një rishikim të vlerave të referencës për Tiranën në muajin dhjetor të vitit të kaluar dhe që hyri në fuqi në muajin janar, duke i rritur deri në 50% në disa zona.
Rishikimi i vlerave të referencës së Tiranës, do të shoqërohej edhe me rishikim të qyteteve të tjera, të bregdetit në përgjithësi, pasi nuk kanë referuar ecurinë e vlerave të kohës.
Kemi një komunikim të paqartë nga afatet kohore, e lë tregun imobiliar pezull, ne operatorët, por edhe blerësit dhe shitësit që janë angazhuar në kontrata juridike, i lë pezull pa pasur mundësinë të kenë një pezullim pa dëm.
Nuk do të ketë shitje, nuk do të qarkullojë paraja dhe njerëzit do të presin.”
