Protesta e tretë e pensionistëve u zhvillua sot përpara Kryeministrisë. Me në krye Arlind Qorin e Lëvizjes Bashkë pensionistët dolën në protestë pasi pensionet e tyre jo vetëm nuk u rritën, por u indeksuan me vonesë dhe jo në përputhje me rritjen galopante të çmimeve.
Kjo ishte protesta e tretë brenda muajit ku ata janë mbledhur pranë kryeministrisë për të kërkuar të drejtat e tyre, pensione dinjitoze për të përballuar jetesën.
