E teksa Donald Trump ka shpallur fitoren për zgjedhjet presidenciale në SHB, ku garoi përballë Kamala Harris, tashmë disa lider kanë nisur t’i uruar suksese në drejtimin e Amerikës.
Kryeministri i Izraelit, Benjamin Netanyahu i ka uruar suksese Trump në rikthimin në detyrë si president i SHBA-së, teksa shprehet se kthimi në këtë detyrë ofron një fillim të ri për Amerikën dhe një riangazhim të fuqishëm ndaj aleancës së madhe midis Izraelit dhe Amerikës.
“Të dashur Donald dhe Melania Trump, urime për rikthimin më të madh në histori! Kthimi juaj historik në Shtëpinë e Bardhë ofron një fillim të ri për Amerikën dhe një riangazhim të fuqishëm ndaj aleancës së madhe midis Izraelit dhe Amerikës. Kjo është një fitore e madhe! Në miqësinë e vërtetë, e juaja, Benjamin dhe Sara Netanyahu”, shkruan ai.
Po ashtu një mesazh urimi ka ardhur edhe nga presidenti i Serbisë, Aleksandër Vuçiç, teksa tha se tashmë do i duhet të përballet me disa sfida serioze.
“Unë e përgëzoj Donald Trump për fitoren e tij. Së bashku po përballemi me sfidat serioze që na presin. Serbia është e përkushtuar për bashkëpunim me SHBA-në për stabilitet, prosperitet dhe paqe”, tha Vuçiç në një postim në Instagram.
Po ashtu Vjosa Osmani ka uruar Trump për fitoren në emër të popullit të Kosovës, teksa shkruan se SHBA mbetet partneri i palëkundur dhe aleati i domosdoshëm i Kosovës.
Në emër të popullit të Republikës së Kosovës, i shpreh urimet tona të përzemërta DonaldTrump dheJD Vance për zgjedhjen e tyre si President dhe Zëvendës President i Shteteve të Bashkuara. SHBA mbetet partneri i palëkundur dhe aleati i domosdoshëm i Kosovës. Mezi pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lire”, shkruan ajo.
Emmanuel Macron
Urime President Donald Trump . Gati për të punuar së bashku siç bëmë për katër vjet. Me bindjet tuaja dhe të miat. Me respekt dhe ambicie. Për më shumë paqe dhe prosperitet.
