Presidenti amerikan Donald Trump ka reaguar pas vdekjes së legjendës së mundjes profesionale dhe aleatit politik, Hulk Hogan. I lindur si Terry Gene Bollea, Hogan vdiq në moshën 71 vjeç pas një arresti kardiak në shtëpinë e tij në Clearwater, Florida, herët të enjten në mëngjes.
Trump dhe Hogan kanë ndarë një marrëdhënie dhjetëravjeçare që daton që nga vitet 1980, kur Trump organizoi disa evente WrestleMania në kazinotë e tij në Atlantic City, ku Hogan ishte artisti kryesor.
Me kalimin e kohës, ata ruajtën një raport miqësor, me Trump që vlerësonte fuqinë e Hogan dhe Hogan që herë pas here përmendte emrin e Trump në paraqitjet publike.
Presidenti, një tifoz i hershëm dhe një ish-lojtar i mundjes profesionale, postoi sot në Truth Social: “Sot humbëm një mik të shkëlqyer, ‘Hulkster’-in. Hulk Hogan ishte MAGA gjatë gjithë kohës – i fortë, i ashpër, i zgjuar, por me zemrën më të madhe. Ai mbajti një fjalim absolutisht elektrizues në Konventën Kombëtare Republikane , që ishte një nga pikat kulmore të të gjithë javës. Ai argëtoi tifozë nga e gjithë bota dhe ndikimi kulturor që pati ishte masiv. Gruas së tij, Sky, dhe familjes, u japim ngushëllimet dhe dashurinë tonë më të ngrohtë. Hulk Hogan do të na mungojë shumë!”
