Një tërmet me magnitudë 3.3 të shkallës Rihter është regjistruar pasditen e sotme në Zvicrën qendrore, më datë 22 korrik 2025, rreth orës 17:51 me orën lokale.
Sipas të dhënave të para, epiqendra e tërmetit ndodhej 11 kilometra në lindje të Spiez-it, dhe rreth 44 kilometra në juglindje të kryeqytetit Bernë, në një thellësi prej 10 kilometrash.
Lëkundjet janë ndjerë nga banorët e zonës, veçanërisht në kantonin e Bernës dhe rajonet përreth Alpeve. Deri në këto momente nuk raportohet për dëme materiale apo persona të lënduar, ndërsa autoritetet po vazhdojnë vëzhgimin e situatës.
Zvicra, ndonëse jo një vend me aktivitet të lartë sizmik, përjeton herë pas here tërmete të lehta, kryesisht në rajonet alpine.
