Aktori i njohur i “Portokalli”, Juxhin Plovishti ka rrëfyer për “S’e Luan Topi” momentet e tij më të bukura dhe më të vështira të jetës.
Ai u ndal në kohën kur ishte ende në Akademinë e Arteve, duke treguar rrengun që i bëri aktores dhe pedagoges Ema Andrea, duke i futur në klasë një arkivol.
Gjatë tregimit, ai imiton aktoren dhe reagimin që ajo bëri pas këtij rrengu.
“Nuk isha problematik që të ndërprisja mësimin, por bëja prapësira. Për shembull, Ema Andreas i kam futur arkivolin në klasë, ndërkohë që bënte mësim në një klas tjetër. Kjo nuk më solli problem, se kam pasur një raport të mirë me të. Si reagoi? Emën edhe e imitoj: ‘Të lutem hiqe atë nga aty, s’e nuk e duroj dot’, se ishte dhe tipe shumë fobike ajo”, u shpreh Plovishti.
