Papa Leoni XIV ka ripërsëritur thirrjen për një armëpushim të menjëhershëm në Rripin e Gazës, duke shprehur dëshirën për dialog, pajtim dhe paqe të qëndrueshme pas sulmit izraelit ndaj Kishës së Familjes së Shenjtë, e cila strehonte mbi 500 civilë.
Ai u shpreh i trishtuar për këtë sulm dhe u lut për ngushëllimin e të vdekurve dhe shërimin e të plagosurve, përfshirë priftin që u plagos lehtë.
“Duke ia besuar shpirtrat e të ndjerëve mëshirës së dashur të Zotit të Plotfuqishëm”, Papa tha se po lutet për “ngushëllimin e atyre që vajtojnë dhe për shërimin e të plagosurve”.
Gjatë ofensivës izraelite në Gaza janë goditur edhe disa vende adhurimi të tjera, ndërsa ndërkohë kanë humbur jetën mijëra palestinezë, kryesisht gra dhe fëmijë.
Gjykata Ndërkombëtare Penale ka lëshuar urdhërarreste ndaj liderëve izraelitë për krime lufte dhe Izraeli përballet me akuza për gjenocid në Gjykatën Ndërkombëtare të Drejtësisë.
