Një grua 41-vjeçare nga ukraina vdiq tragjikisht në Shqipëri më 11 korrik, duke u përpjekur të shpëtonte vajzën e saj që po mbytej.
Mediat ukrainase shkruajnë se vajza mbijetoi dhe është në kujdes intensiv, dhe Ministria e Punëve të Jashtme në Kiev po ndihmon me riatdhesimin e trupit të nënës.
41-vjeçarja banore e Lvivit në Ukrainë po kalonte pushimet pranë detit në Shqipëri me tre vajzat e saj, të moshës 21, 18 dhe 12-vjeç. Incidenti tragjik ndodhi më 11 korrik, kur gruaja u përpoq të shpëtonte vajzën e saj të mesme, e cila po mbytej.
Një tjerër media ukrainase shkruaj se ajo u dërgua në spitalin e Vlorës pa shenja jete duke shtuar si shkak edhe mbërritjen ndoshta të vonë të ambulancës.
“Sipas qytetarit që hyri në det për të shpëtuar turistët, si dhe pushuesve të tjerë, ambulanca mbërriti të paktën gjysmë ore me vonesë për shkak të trafikut të rënduar në zonën e Lungomares”, thuhet në material.
