Pas ndryshimeve të shefave të komisariateve në kryeqytet dhe vend, ku kryepolici Ilir Proda transferoi drejtorët e komisariateve, edhe ditën e sotme kanë vazhduar ndryshimet me emërimet e reja për qarkun e Korçës dhe Elbasanit.
Drejtori i Përgjithshëm i Policisë së Shtetit, Ilir Proda ka firmosur emërimin e Uljan Shpataraku si Drejtorin i Policisë së korçës ndërsa Erion Ahmeti që mbante më parë këtë post është transferuar drejtor i Policisë së Elbasanit.
Ditët e fundit kryepolici Proda ka bërë ndryshime të shumta në rang komisariatesh në gjithë vendin por edhe në drejtues qarqesh si dhe pikat kufitare. Ende nuk dihen arsyet e këtyre ndryshimeve të shumta.
