Pas dorëheqjeve të drejtorëve të drejtorive, Bashkia Vlorë ka shpallur vakancat për të gjithë personat që dëshirojnë të aplikojnë.
Kryetari i Bashkisë së Vlorës ka publikuar në rrjetet sociale dhe në faqen zyrtare të institucionit listën e vendeve vakante për pozicionet drejtuese brenda bashkisë.
Ky veprim shënon fazën e parë të dorëheqjeve të drejtuesve aktualë, një proces që sipas burimeve zyrtare pritet të përfundojë plotësisht deri më 15 korrik.
Sipas burimeve nga brenda institucionit, dorëheqjet po realizohen me faza të njëpasnjëshme për të shmangur një kolaps funksional në aktivitetin e përditshëm të bashkisë.
Qëllimi është garantimi i vazhdimësisë së shërbimeve dhe organizimi efikas i procesit të zëvendësimeve.
Postimi i Ermal Dredhës
Pas doreheqjeve të drejtorave të drejtorive, Bashkia Vlorë ka shpallur vakancat për të gjithë ata që besojnë se kanë përvojën, gatishmërinë dhe përgjegjshmërinë e duhur për të kontribuar dhe për t’i shërbyer zhvillimit të qytetit, në të gjitha nivelet.
Në faqen zyrtare të ëeb-it do të gjeni procedurat që duhet të ndiqni, vetëm për një pjesë të pozicioneve vakante për të cilat mund të konkuroni! Duke qenë se jemi në proces të hartimit të dokumentacionit, për secilën prej drejtorive, në vijim do të informoheni për pjesën tjetër të pozicioneve të lira!
Të gjithë të interesuarit, të dorëzojnë dokumentacionin e kërkuar, brenda afateve të përcaktuara, në çdo shpallje, për pozicionet si më poshtë:
Drejtor në Drejtorinë e Projekteve të Huaja, Integrimit Europian dhe Diasporës
Drejtor në Drejtorinë e Auditimit të Brendshëm
Drejtor në Drejtorinë e Protokoll-Arkivës
Kryeinspektor në Inspektoriatin e Mbrojtjes së Territorit
Drejtor në Policinë Bashkiake
Drejtor në Ndërmarrjen e Shërbimeve Publike
Drejtor në Ndërmarrjen e Gjelbërimit
Drejtor në Ndërmarrjen e Pastrimit
Drejtor në Drejtorinë e Mbrojtjes Civile)
Drejtor në Qendrën Kulturore të Fëmijëve
Drejtor në Shtëpinë e Foshnjes
Drejtor në Teatrin “Petro Marko”
Për çdo informacion mund të drejtoheni në linkun e mëposhtëm ose pranë Bashkisë Vlorë.
