Një restorant është përfshirë nga një zjarr i madh mesnatën e kaluar në fshatin turistik të Thethit në Malësi të Madhe.
Siç shihet nga pamjet e mëposhtme, i gjithë restoranti është nën “pushtetin” e flakëve dhe mësohet se është shkrumbuar i gjithi. Restoranti mësohet se është në pronësi të shtetasit Petrit Gjeçaj.
Si pasojë e zjarrit ka patur vetëm dëme materiale, teksa kanë qenë banorët e zonës të cilët kanë ndërhyrë për të izoluar zjarrin dhe për të shmangur një katastrofë më të madhe.
Ende nuk dihet shkaku i rënies së zjarrit, i cili vjen në një kohë kur banorët e zonës po bëjnë rezistencë përballë autoriteteve që kanë shkuar për t’i shembur ndërtimet turistike.
