Një studim thotë se paratë blejnë lumturi – por vetëm deri në një pikë të caktuar. Pasi të keni bërë 75,000 dollarë në vit, rritja e të ardhurave tuaja nuk do t’ju bëjë më “të lumtur”.
Paraja mund ta blejë lumturinë në njëfarë forme, por kjo nuk do të thotë që paraja është gjithçka. Një studim i fundit ka zbuluar se njerëzit që e vlerësojnë kohën më shumë sesa partë, janë më të lumtur.
Një studim i vitit 2010 ka zbuluar një lidhje mes lumturisë dhe rrogës. Ky studim kishte zbuluar se njerëzit që fitojnë më shumë para janë më të lumtur, derisa rroga e tyre të arrijë 75,000 dollarë.
Hulumtuesit në UCLA dhe Wharton kanë studiuar më tërësisht këtë dhe kanë shikuar se si koha ndikon në këto rezultate.
Përmes eksperimenteve dhe anketimeve të shumta, ata zbuluan se dy të tretat e të anketuarve thanë se preferojnë më shumë paratë sesa kohën.
“Përgjatë hulumtimeve ne kemi pyetur mijëra amerikanë se a e preferojnë më shumë kohën apo paratë. Pavarësisht se shumica e njerëzve kishin zgjedhur paratë, zgjedhja e kohës ishte ndërlidhur me lumturi më të madhe,” shprehen hulumtuesit.
Sidoqoftë, është mirë të dimë se paraja na bën të lumtur, por në fund të ditës është vetëm një mjet.
