Kur qëndrojmë disa minuta në ujë, gishtërinjtë rrudhen një dukuri që nuk është thjesht përthithje uji nga lëkura, por një reagim i kontrolluar nga sistemi nervor.
Ky proces ndihmon në përmirësimin e kapjes së objekteve të lagura, duke sugjeruar se është një adaptim evolucionar që u shërbente paraardhësve tanë për mbijetesë në mjedise të lagështa. Rrudhat shfaqen vetëm në gishta dhe gishtërinjtë e këmbëve dhe kërkojnë funksion të rregullt të sistemit nervor.
Nëse ato mungojnë ose janë të parregullta, kjo mund të tregojë probleme si dëmtim nervor. Studimet kanë lidhur rrudhjen jonormale me sëmundje si diabeti tip 2, fibroza cistike, sëmundjet e zemrës dhe Parkinsoni. Kështu, zhytja e dorës në ujë po përdoret si një test i thjeshtë klinik.
Megjithatë, disa aspekte mbeten mister, si zhdukja e rrudhave pas pak minutash apo pse ky fenomen nuk ndodh te majmunët. Ajo që është e sigurt është se rrudhat e thjeshta të ujit fshehin një potencial të madh për të kuptuar më mirë shëndetin tonë.
