Një helikopter që transportonte katër turistë amerikanë dhe një pilot grek u rrëzua në det pasditen e djeshme pranë marinës së Vouliagmenit, afër Athinës.
Sipas autoriteteve, helikopteri u ngrit nga helipadja e qytetit të Asterës dhe disa minuta më vonë, gjatë ngritjes, piloti vuri re një problem teknik në motor. Ai kërkoi menjëherë nga pasagjerët të hidhen në ujë, një veprim që rezultoi vendimtar për shpëtimin e jetëve të tyre.
Të gjithë pasagjerët dhe piloti u nxorrën nga uji dhe u dërguan në spital për kontrolle, ku ndodhen jashtë rrezikut për jetën. Operacioni i shpëtimit u realizua nga Forcat e Rojës Bregdetare dhe mjetet private, ndërsa nxjerrja e helikopterit nga deti përfundoi mbrëmjen e djeshme me ndihmën e një zhytësi privat dhe ekipeve të specializuara.
Ky incident ka shkaktuar panik mes pushuesve dhe vizitorëve që ndodheshin në zonë, por për fat të mirë, nuk ka pasur viktima. Hetimet për të përcaktuar shkakun e rrëzimit janë ende në zhvillim
