Një tjetër mbrëmje magjie në tokën e shqiponjave. Eagle Beat Festival në natën e dytë pati një energji të zjarrtë.
Skena u ndez nga këngëtarët më të njohur të muzikës shqiptare në një festë të jashtëzakonshme. Nuk munguan edhe surprizat për fansat.
Nga Elvana Gjata, Yll Limani, Ledri Vula, deri te i ftuari special Fred De Palma, Eaglebeat Festival solli një atmosferë plot energji dhe dritë me emocione të paharrueshme.
“Tirana është si shtëpia ime e dytë. Publiku është dashuri. Atmosfera super. Duhen festivale të tilla më shumë”, tha Ledri Vula.
“Është e pabesueshme t’i dëgjosh njerëzit këtu duke kënduar këngët e mia në italisht. Populli shqiptar është fantastik. E dua Shqipërinë. E dashura ime është shqiptare, kështu që Shqipëria është pjesë e jetës sime…kudo, në gjithçka”, tha Fred de Palma
Prej hapjes në 19:00, ritmi nuk u ndal deri në orët e vona me DEEJAY TIME!
“Kënaqësi të jem këtu. Krenar të jem shqiptar. Festivali kryevepër”, tha Big Cruz.
“Shpresoj të jenë kënaqur shumë. Si të ishte një mbrëmje italiane, por këtu në Shqipëri”, tha Dj italian.
Festa vazhdon dhe sonte në një natë të tretë për të mos e humbur!
